جنت (💯 لفظی کہانی)✒️ ریحان کوثر

2️⃣2️⃣

جنت

افسانہ نِگار ✒️ ریحان کوثر

ایونٹ 53 🕋 عید الاضحی اسپیشل

کل ہند افسانہ نِگار فورم

کی پیشکش

افسانچہ نمبر 22

💯 لفظی کہانی

”ماموں ماموں۔۔!!“ چلاتی ہوئی اریبہ مجھ سے لپٹ گئی، اس کی ساری آئس کریم ہم دونوں پر گر پڑی۔
”ارے! اریبہ آپ کو یہ آئس کریم کہاں سے ملی؟“
”جنت سے۔۔۔“ اریبہ نے فراک صاف کرتے ہوئے کہا۔
میں نے مسکراتے ہوئے پوچھا:
”بیٹا کہاں ہے جنت!!“
اس نے فریج کی طرف اشارہ کیا۔
میں بے ساختہ ہنس پڑا:
”کیا۔۔۔؟ وہ جنت ہے؟“
”ہاں ماموں! کل قربانی کے بعد دادا جان نے کہا ہمارا بکرا اب جنت میں جائے گا۔۔۔ ممی نے جب بکرے کا سارا گوشت فریج میں رکھا تو سمجھ میں آیا کہ وہ فریج نہیں جنت ہے۔“

✍️✍️✍️