دگنی عیدی ✍️ تبسم اشفاق شیخ

دگنی عیدی

✍️ تبسم اشفاق شیخ

ابا میری بات سنو نا
مجھ کو عیدی ایسی دو نا

کیسی عیدی دوں میں گڑیا
مجھ کو جلدی تم دو بتلا

دو کپڑے تم مجھ کو دلانا
جوتی بھی دو جو ڑی لانا

 پیاری گڑیا ذرا بتانا
چکر دو کا مجھے سمجھانا

ایک سہیلی ہے رخسانہ
عید ہے اس کو بھی منانا

زندہ اس کے نہیں ہے ابا
امی کے پاس نہیں ہے روپیہ

اک جوڑا میں اس کو دوں گی
اور اک جوڑا میں پہنوں گی

سن باتیں پیاری بیٹی کی
ابا نے پیار بھری جھپی دی

پا کر اب تو دگنی عیدی
پیاری گڑیا بے حد خوش تھی