الوداع ماہ رمضاں
🖋️فہیم اختر
دھولیہ
Mob:-9028853745
تیرے جانے کا غم اور آنکھیں ہیں نم
چھا گیا ابر غم ہے لبوں پر الم
سب کے دل نے کہا الوداع الوداع
تیرے آنے سے رب کی یہ سوغات تھی
ہر طرف نور کی کیسی برسات تھی
تیری سب رحمتیں تیری سب برکتیں
ہو رہی ہے جدا الوداع الوداع
روز سورج تپش کو بڑھاتا رہا
صبر مومن کا یوں آزماتا رہا
پھر بھی ٹوٹے نہ ہم تھا خدا کا کرم
تھی یہ رب کی عطا الوداع الوداع
کس قدر رب کا یہ ہم پہ احسان تھا
مغفرت کے لیے بھیجا رمضان تھا
رحمتوں کے سفر سے رہے بے خبر
تھی ہماری خطا الوداع الوداع
تھی سحر اور افطار میں رونقیں
اور آباد تھی کس قدر مسجدیں
سونی سونی ہوئیں مسجدیں اب فہیم
دل بھی ہے غمزدہ الوداع الوداع
🏵️
0 Comments