حمد | صالحؔ ابن تابشؔ

 

حمد

 (بچوں کے لیے لکھی گئی حمد)

 

ہر دل میں یاد تیری ہرلب پہ نام تیرا

دنیا میں سب سے اونچا یارب مقام تیرا

 

باغوں کی دل کشی میں، تاروں کی روشنی میں

ہر شے میں تو ہی تو ہے ہر جا قیام تیرا

 

مدت سے کھوج ہی میں انساں لگا ہوا ہے

لیکن سمجھ نہ پایا اب تک نظام تیرا

 

ہندو ہویا مسلماں سب پر ہے لطف و احساں

ہو کیوں نہ ذکر یارب ہر صبح و شام تیرا

 

وہ بے نیاز ہوگا غم ہائے دو جہاں سے

اک بار جو بھی پی لے وحدت کا جام تیرا

 

راہِ حیات صالحؔ دشوار کیا ر ہے گی

ہے جب کہ اس کا ہادی صالحؔ کلام تیرا

صالحؔ ابن تابشؔ

ماہنامہ الفاظ ہند

 فروری 2022ء