ماں ✍️امان الحق بالاپوری

ماں

✍️امان الحق بالاپوری

کتنے ہیں تیرے احساں ماں
تجھ پر قرباں میری جاں

جاگی تو جب سویا میں
تڑپی تو جب رویا میں
چلتی رہی دن رات مگر
ہوئی نہ تھک کر تو ہلکاں

کتنے ہیں تیرے احساں ماں

لوٹ کے جب میں آیا گھر
تیری گود بنی بستر
کتنی راحت مجھے ملی
مجھ سے نہ ہو پائےبیاں

کتنے ہیں تیرے احساں ماں

میں ہی ایک ہزاروں میں
جیسے چاند ستاروں میں
دوجا کوئی میرے سوا
تیری نظر کو بھائے کہاں

کتنے ہیں تیرے احساں ماں

تیرا رتبہ ہے عالی
تجھ بن دنیا ہے خالی
تو ہے گلشن کی مالی
تجھ بن گلشن ہے ویراں

کتنے ہیں تیرے احساں ماں

تیرے ہاتھوں میں شفقت
تیرے قدموں میں جنّت
عمر بسر ہو خدمت میں
بس یہ باقی ہے ارماں

کتنے ہیں تیرے احساں ماں