حمد | تبسم اشفاق شیخ

حمد

اس دنیا کو بسانے والا
اس دنیا کو چلانے والا
کون ہے بولو ؛ اللہ اللہ

سب کی بھوک مٹانے والا
سب کی پیاس بجھانے والا
کون ہے بولو ؛ اللہ اللہ

سورج ،چاند بنانے والا
تاروں کو چمکانے والا
کون ہے بولو ؛ اللہ اللہ

سب فصلوں کو اگانے والا
ہر تتلی کو اڑانے والا
کون ہے بولو ؛ اللہ اللہ

بادل کو برسانے والا
پھولوں کو مہکانے والا
کون ہے بولو ؛ اللہ اللہ

رحمت والا ، نعمت والا
حکمت والا، عظمت والا
کون ہے بولو ؛ اللہ اللہ

تبسم اشفاق شیخ ؔ